Visualice esta web en un navegador m�s moderno como Google Chrome, Edge o Firefox.

WEALTH MANAGEMENT • BALIO ZERBITZUAK

Balio zerbitzuak

Bezeroek, handituz doazen beharrak dituzte eta guk behar horien ezagutzaren garapenean inbertitzen dugu.

Gaur egun, bi alderdi nabarmendu behar ditugu: ESG/IGG irizpideak inbertsio-prozesuetan txertatzeko lana eta bezeroaren oinarrizko gertakariekin lotutako lege-esparruari buruzko argibideak.

ESG/IGG
Fineco esperientzia

Legeak hala aginduta, modak gidatuta edo sinesmenak bultzatuta, enpresa eta inbertsio-jardueretan iraunkortasun-irizpideak presente egotea derrigorrezkoa da gaur egun.

Gure eguneroko lanean IGG irizpideak erabiltzeak gure bezeroekin daukagun konpromiso fiduziarioa sendotasun handiagoz betetzeko aukera ematen digula argi daukagu.

Horregatik, ezagutza propioaren garapenean eta kanpoko adituekin lankidetza-ereduen erabileran aitzindariak izan gara. Bide horretan, Biscay ESG Global Summit ekimenaren antolatzaileetako bat gara, urtero Deusto ESG Investment and Finance Summer Program jardunaldia eskaintzen dugu, nazioarteko foroetan hitzaldiak ematen ditugu, gure hainbat produktu ziurtatu ditugu eta Nazio Batuek bultzatutako Inbertsio Printzipio Arduratsuen erakunde sinatzailea gara

ISG/ASG
Inbertsioa

Inbertsio orokorrean eta ESG/IGG alderdien aplikazio zehatzean daukagun esperientzia zabalari esker, gure bezeroen ondoan egon gaitezke haien inbertsioak profesionalizatzeko bidean, eta ESG/IGG irizpideak hasieratik bukaeraraino erabiliko ditugu, ezarritako helburuen barruan.

Haien ingurumen, gizarte eta gobernantza irizpideekin (ESG/IGG) bat datozen inbertsioak ziurtatzeko protokoloak eta prozedurak prestatzeko aholkularitza eskaintzen dugu. Horren barruan sar litezke, esate baterako, inbertsioen batzorde baten sorrera edo hornitzaileen edota reportingaren hautaketa.

Eraldaketa ikusarazten lagunduko duten ziurtagiriak eskuratzeko prozesuetan ere laguntza ematen diegu gure bezeroei.

Inbertsiogilearentzako
Aholkularitza Juridikoa

Gure bezeroen inbertsio-erabakiek testuinguru legal eta fiskalaren eragin zuzena daukate.

Horretarako, inbertsiogilearentzako aholkularitza juridikoaren saila daukagu. Hari esker, finantza-aholkularitzaren esparruan daukagun lidergoa eta esperientzia beharrezko orientazio profesional egoki batekin osatu dezakegu, inbertsio-prozesutik eratorritako edo harekin lotutako zerga-arloko gai juridikoetan.

Horrez gain, gure bezeroen artean familia enpresario ugari ditugu, gugan konfiantza osoa dutenak. Enpresa familiarrak aholkatzen pilatu dugun ezagutza eta esperientziari esker, bezero pribatuei haien familia edo enpresa ondareen kudeaketan funtsezko aholkularitza eskaini ahal diegu, eta hurrengo belaunaldientzat ondare hori zaintzen eta hazten laguntzen dugu.

Lankidetza
instituzionala

Gure ibilbide osoan, Fineco bezero instituzionalagoen ondoan egon da, haien inbertsio-prozesuak profesionalizatzeko bidean.

Nabarmendu beharrekoa da inbertsio-zerbitzuak eskaintzen dituzten enpresekin harremanen eta mandatuen kudeaketan eta inbertsio-prozeduretan eskaintzen dugun aholkularitza.

Profesionalizazio horren testuinguruan, posizioak behar bezala erregistratu eta baloratzea ezinbestekoa dela uste du Finecok, gure bezeroen inbertsioen jarraipena eta ebaluazioa egin ahal izateko. Azkenik, Finecon prestakuntzaren eta ezagutza partekatuaren defendatzaile sutsuak gara. Horren erakusgarri da irakaskuntzan daukagun esperientzia historikoa, prestakuntza-arloko biltzar eta ekimenetan izaten dugun parte-hartzea eta batzorde instituzionalen bidez garatzen dugun lankidetza.

Cookieen ezarpenak

Webgune honek helburu teknikorekin soilik erabiltzen ditu bere cookieak eta hirugarrenenak, eta ez du erabiltzaileen daturik biltzen ez eta lagatzen ere haien baimenik gabe.